• Aguesta exposicion commemòre eth centenari d’un eveniment que merquèc era istòria, pr’amor que gràcies ad aguesta grèva s’artenhec era jornada laborau de 8 ores e d’autes melhores entara clase trabalhadora

• Era presentacion aurà lòc deman, entàs 18:30 ena bòrda grana der Ecomusèu, e compdarà damb era preséncia dera sindica d’Aran, er alcalde de Vilamòs, era comissària dera exposicion e era directora der hilat de Musèus Val d’Aran

Er Ecomusèu de Joanchiquet de Vilamòs acuelherà enquiath dia 17 de junh era exposicion itineranta “Era grèva de la Canadenca”, organizada peth Departament de Treball, Afers Socials i Famílies dera Generalitat de Catalunya. Aguesta exposicion commemòre eth centenari d’un eveniment que merquèc era istòria, pr’amor que gràcies ad aguesta grèva s’artenhec era jornada laborau de 8 ores e d’autes melhores entara clase trabalhadora.

Deman, diuendres, a compdar des 18:30 ena bòrda grana der Ecomusèu, aurà lòc era presentacion dera exposicion a cargue dera sindica d’Aran, Maria Vergés, er alcalde de Vilamòs, Oriol Sala, era comissària dera exposicion, Dolors Domingo, e era directora der hilat de Musèus Val d’Aran, Carla del Valle.

Pendent eth dia de deman s’amiaràn a tèrme tanben visites comentades pera comissària dera exposicion e, pr’amor des mesures establides pera pandèmia e entà evitar massificacions, i aurà tres torns: entàs 19:00, 19:30 e 20:00 ores.

Es places des visites son limitades, per aguest motiu ei de besonh hèr era resèrva per auança en Musèu dera Val d’Aran, via telefonica (973 64 18 15) o via email (info.museu@aran.org).

Entà obtier mès informacion sus era exposicion se pòt consultar era web: https://treball.gencat.cat/ca/canadenca/exposicio-itinerant/