Vielha, 1 de març de 2019.- Aguesta ei era samarreta que poderàn lúder totes es persones que participen eth pròplèu dimenge 10 de març ena 6au edicion dera Corsa dera Hemna Val d’Aran laguens es actes organizadi damb motiu deth Dia Internacionau des Hemnes.

Era Corsa dera Hemna ei organizada peth Servici d’Informacion e Atencion as Hemnes (SIAH) deth Conselh Generau d’Aran en collaboracion damb eth Conselh Esportiu dera Val d’Aran e era Associacion Volentaris Val d’Aran.

Cau arrebrembar qu’es inscripcions online entara 6au Corsa dera Hemna ja se pòden formalizar en: https://inscripcions.cat/corsaderahemna2019/ e qu’era recuelhuda de dorsaus e dera samarreta se poderà realizar ena sedença deth Conselh Generau d’Aran, eth diuendres 8 e dissabte 9 de març pera tarde de 17 a 20 ores.

Eth prètz dera inscripcion ei de 3 €.

Era gessuda e era arribada dera Corsa se harà ena plaça deth Conselh Generau d’Aran. Er orari de gessuda dera 6au Corsa dera Hemna serà entàs 11 ores deth dia 10 de març de 2019.

Vos animam a participar!