Vielha, 12 d’abriu de 2017.- Eth Conselh Generau d’Aran e Foment Torisme Val d’Aran (FTVA), organizen eth pròplèu dimèrcles 19 d’abriu era prumèra edicion dera Net deth Torisme dera Val d’Aran, que se celebrarà en Hotel Montarto de Baqueira.

Era net deth Torisme començarà damb era presentacion per part dera conselhèra de Torisme e Desvolopament Economic d’Aran, Anna Díaz, dera memòria d’activitat de Torisme Val d’Aran der an 2016 e des principaus accions desvolopades e es principaus rèptes e accions mercades entà 2017.

Aguesta naua iniciatiua de Foment Torisme Val d’Aran, preten méter en valor e dar visibilitat as esfòrci publics e privadi deth sector toristic coma motor economic dera Val d’Aran. Entara conselhèra de Torisme, Anna Díaz, eth futur passe per seguir en tot invertir esfòrci ena reconeishement dera Val d’Aran coma destinacion toristica familhau qu’ath delà apòste per un torisme sostenible.

Pendent era Net deth Torisme dera Val d’Aran, se liuraràn es prumères reconeishements “Esséncia des Pirenèus” enes modalitats d’innovacion, sostenibilitat, tecnologia, accessibilitat e experiéncia toristica, autrejadi per un jurat format peth Conselh Tecnic de Foment Torisme Val d’Aran.

Era prumèra edicion dera Net deth Torisme dera Val d’Aran, acabarà damb un sopar en madeish Hotel Montarto de Baqueira.

Entà assistir ath sopar ei de besonh formalizar era inscripcion a trauès deth hilat: http://www.visitvaldaran.com/net-deth-torisme-val-daran/ E realizar eth pagament ath nº de compde ES03 2100 0980 7702 0001 3645.