Vielha, 14 de junhsèga de 2016.- Era plantilha deth RCD Espanyol B a estat arrecebuda en Conselh Generau d’Aran, damb motiu deth stage de pretemporada dera equipa ena Val d’Aran.

Ei eth tresau an consecutiu qu’eth Espanyol B escuelh era Val d’Aran entà preparar era sason, a on pòden gaudir de bones temperatures e condicions entà afrontar era preparacion entara sason.

Era conselhèra de Torisme e Desvolopament Economic deth Conselh Generau d’Aran, Anna Díaz, expliquèc que “damb era estada de pretemporada en tèrres araneses dera plantilha der Espanyol B, se complís er objectiu deth Govèrn d’Aran de convertir era Val d’Aran en ua des melhors destinacions qu’acuèlh equipes esportius e eveniments religadi ar espòrt, coma siguec era darrèra dimenjada damb era gessuda dera 9au etapa deth Tour de França 2016”.

Anna Díaz, desirèc ua bona estada e fòrça èxits entara sason qu’ara comence a toti es integrants dera plantilha, entrenadors e preparadors.

Era equipa deth RCD Espanyol B serà ena Val d’Aran enquiath pròplèu dimenge.