Reingrèssen ena Residéncia Sant Antòni es usatgèrs qu’an passat eth confinament damb es sues familhes

  • Aguest reingrès se realize en tot seguir es critèris medics e epidemiologics mercadi peth Departament de Salut entà garantir era seguretat de toti es residents e des professionaus

Es usatgèrs dera Residéncia Sant Antòni qu’optèren per passar eth confinament en sòn pròpri domicili o damb es sues familhes pendent er estat d’alarma, an reingressat ena Residéncia, en tot complir es critèris mercadi peth Departament de Salut entà mantier es mesures de prevencion.

Ua des indicacions mès destacada des autoritats sanitàries ei qu’es usatgèrs que tornen a reingressar auràn de realizar un confinament de 14 dies, entà descartar que poguen èster portardors deth COVID-19.

En aguest sens cau destacar qu’era Residéncia Sant Antòni a estat tanben catalogada per Salut coma apta entà poder recéber era visita des familhes. Atau donc, a compdar d’aué, 4 de junh, es familhes qu’ac volguen poiràn visitar pendent 30 menutes diaris as sòns familhars. Entà poder realizar aguestes visites de forma segura, era Residéncia a abilitat un espaci net damb es distàncies mercades, dispositius de seguretat coma mampares de policarbonat e mascaretes.

Entà Maria Vergés, conselhèra d’Igualtat, Salut e Benèster, “es residents an passat fòrça setmanes sense poder veir en persona as sòns familhars, e er hèt d’auer anat superant aguesta crisi, gràcies as decisions prenudes per auança e ath trabalh de toti, ara permet que se poguen retrobar e qu’era residéncia encete eth camin deth retorn a ua cèrta normalitat”.

Comments are closed.