• Onze efectius deth GRM e er equip de pistes de Baqueira-Beret an trabalhat en un rescat fòrça complèxe pr’amor dera meteorologia e dera manca de visibilitat e an evacuat as dus esquiadors, un d’eri en estat grèu

Eth Grop de Rescat de Montanha (GRM) de Pompièrs-Emergéncies a amiat a tèrme aguesta tarde un rescat a dues persones qu’auien demorat atrapades en un laueg en tot esquiar pera zòna dera Vinheta.

Er avís a estat tàs 14:47 ores e un totau d’onze efectius deth GRM s’an desplaçat enquiara zòna e an trabalhat en collaboracion der equip de pistes de Baqueira-Beret pendent ua ora e mieja, aproximadament, en ues condicions fòrça complèxes pr’amor dera meteorologia e era pòga visibilitat.

Pendent eth rescat, es efectius an hèt a servir era grua der elicoptèr de Pompièrs-Emergéncies entà poder evacuar as victimes, dus òmes, un en estat grèu e er aute en estat lhèu.

Andús esquiadors an estat transportadi ar Espitau Val d’Aran, mès eth mès grèu a auut d’èster evacuat damb er elicoptèr deth SEM entà Barcelona.

Aguest rescat s’a podut realizar d’ua forma tan efectiva e rapida gràcies ath nau elicoptèr de Pompièrs-Emergéncies que i a ena Val d’Aran.