Se daurís era sason de pesca ena Val d’Aran

Eth Conselh de Govèrn deth Conselh Generau d’Aran, en session ordinària de 22 d’abriu de 2014, aprovèc eth Plan Especific de Pesca dera Val d’Aran, sason 2014, en es tèrmes que s’especifiquen ara seguida:

1) Periòdes abils. Es periòdes abils pera presenta sason son es següents:

– En es lacs de nauta montanha: comence eth 31 de mai de 2014 (tostemp e quan eth lac serà majoritàriaments desgelat) e finalize eth dia 30 de seteme de 2014.

– Ena zòna de pesca controtlada dera Restanca d’Aiguamòg: comence eth 3 de mai de 2014 (tostemp e quan era Restanca sigue majoritàriaments desgelada) e finalize eth dia 30 de seteme de 2014.

– Ena zòna de pesca intensiva dera Bassa d’Oles: Comence eth 3 de mai de 2014 (tostemp e quan era bassa serà majoritàriaments desgelada) e finalize eth 31 d’octobre de 2014.

2) Trams vedats o refugis de pesca.

– A causa dera excepcionalitat der aiguat deth 18 de junh de 2013, s’an vedat toti es corsi fluviaus dera Val d’Aran, atengut qu’es densitats de trueita dempús der aiguat non son sufisents entà perméter era activitat piscícola.

– Enes zònes de pesca de lacs e basses de nauta montanha, en es trams d’aigües correntes existentes entre diferenti lacs, non ei permetuda era pesca e se considèren, donques, vedats de pesca.

3) Pesca Intensiva. Ena zòna de pesca intensiva dera Bassa d’Oles;

– Se proïbís introdusir-se en interior dera bassa entà pescar.

– Eth diuendres ei dia barrat per repoblacion.

– Maximal 8 captures per pescador e dia.

4) Hams e esquers.

– Se proïbís exprèssaments era pesca damb quinsevolha espècia que sigue de peish naturau viu o mòrt. Es esquers permetudi son:

– Esquers artificiaus: culheretes, nimfes, mosques, peishi o animaus imitats o simulats e quinsevolh aute que sigue de similara natura, arponet permetut.

– Esquers Naturaus: cuc de tèrra (anellids), cuc de mèu o tenha (galleria mellaeonnella), cucs d’emboish, cuques de riera, dragues o pèrles (efemeròpters, tricòpters, plecòpters, ortòpters), sautamartin e mosques adultes, damb un unic ham e arponet permetut. Es hams permetudi seràn es comprenudi entre es mesures num. 1 (u), e 10 (dètz), ambdús includidi

5) Mesura minima autorizada. Damb caractèr experimentau, non existís talha minima pescable, de sòrta que se permet era captura de totes es talhes.

6) Nombre maximal de captures autorizades. Eth nombre maximal de captures autorizades per pescador e dia ei de:

– Restanca d’Aiguamòg e estanhs: 10 captures/pescador e dia

– Zòna de pesca Intensiva dera Bassa d’Oles: 8 captures/pescador e dia

7) Tot aquerò que non contemple aguest Plan especific de pesca demorarà regulat pera Resolucion AAM/413/2014, de 13 de hereuèr, que se fixen entàs espècies pescables, en es periòdes abils de pesca e es aigües eth qué se pòt amiar a tèrme era activitat dera pesca en aigües continentaus de Catalunya pendent era sason 2014 e pera Lei 22/2009, deth 23 de deseme, d’organizacion sostenible dera pesca en aigües continentaus.

ZÒNES DE PESCA CONTROTLADA ARRIUS 2014

NUM. ZÒNA ARRIU ACCÈS PERIODE LIMITS
GA – 006 Presa d’Aiguamòg Salardú 03-05 / 30-09 10/20 Presa – Entrada Riu Aiguamòg

PERIODE: DETH 3 DE MAI DE 2014 ENQUIATH 30 DE SETEME DE 2014

ZÒNES DE PESCA CONTROTLADA (ESTANHS) 2014

NUM. ZÒNA                     LAC                                             ACCÈS                          PERIODE                            PERMISI
GA – 001                      Circ Saboredo                              Tredòs                                C 2/4
GA – 027                      Lacs Liat                                        Bagergue/Canejan          C                                                 2/4
GA – 004                     Circ Colomèrs          Salardú/Arties                 C 2/4
GA – 008                     Bassin Rencules                           Arties                                   C 2/4
GA – 009                     Bassin Restanca-Rius               Arties                                   C                                                  2/4
GA – 013                     Lac Escunhau                               Escunhau                            C                                                  1/2
GA – 015                      Bassin Nere                                  Vielha                                   C    1/2
GA – 017                      Bassin Salient                              Vilac                                     C                                                    1/2
GA – 024                    Bassin Joeu                                    Es Bòrdes                           C 1/2
GA – 023                  Lac Vilamòs- Guarbes                 Vilamòs                              C 1/2
GA – 028               Bassin Toran                                  Canejan                               C                                                     1/2
NR – 001                   Lac Redòn                                    Boca Sur Túnel               C                                                    2/4
NP -002                      Lac Clot der Os                            Plan de Beret                     C                                                    2/4
NP – 003                   Lac de Marimanha                      Plan de Beret                     C                                                   2/4

PERIODE: DETH 31 DE MAI DE 2014 ATH 30 DE SETEME DE 2014 (ESTANHS)