Se detècten 80 casi positius per COVID-19 pendent era dimenjada

Eth Conselh Generau d’Aran, a compdar d’aguesta setmana, deuant des diuèrsi cambis de protocòl per part deth departament de Salut dera Generalitat per çò que hè ara comunicacion des positius, actualizarà es donades en Aran un viatge per setmana entà poder aufrir es donades mès ajustades
En cas de produsir-se bèth cambi significatiu en çò que tanh as espitalizacions per COVID-19 en Espitau Val d’Aran, se comunicarà damb era major brevetat possible
Eth Conselh Generau d’Aran rebrembe que se pòt consultar tanben era web de Salut https://dadescovid.cat/

Des 80 casi confirmadi aguesta dimenjada, 38 sigueren detectadi eth diuendres, dia 14 de gèr, 20 eth dissabte, e 22 mès ager, dimenge.

Pendent es darrèri dies s’an amiat a tèrme un nau ingrès ena planta COVID-19 der Espitau Val d’Aran, a on actuaument i a 5 persones ingressades.

Eth govèrn deth Conselh Generau d’Aran rebrembe eth besonh de seguir es mesures preventives establides pes autoritats sanitàries, atau coma era importància de vacunar-se.