Eth Departament de Desvolopament Economic deth Conselh Generau d’Aran damb eth patrocini dera Deputacion de Lhèida e en collaboracion damb Global Lleida a organizat ua naua session formativa dirigida as emprenedors e empresaris dera Val d’Aran.

Era session, sus eth títol “Entrepren era tua Mèrca Personau” siguec a cargue de Marta Grañó, investigadora e divulgadora d’educacion e iniciatiua emprenedora.

En un entorn laborau de mès en mès competitiu es professionaus an de diferenciar era sua aufèrta, per açò ei importanta saber qué ei era “Mèrca Personau” e com pòt ajudar a melhorar es oportunitats de negòci e professionaus.

Pendent era session Grañó expliquèc as assistents com aplicar desparières tecnicianes de marqueting entà eth posicionament profesionau atau coma es desparièrs estruments entà artenhé’c.

Trobarà mès informacion sus aguesta e d’autes formacions en www.globalleida.com