Setmana de fòrça nhèu en Baqueira Beret damb espessors en pistes d’enquia 175 cm

Ath long d’aguesta setmana es nheuades an estat fòrça presentes ena Val d’Aran en tot deishar ua soma de nhèu acumulada d’enquia 70 cm.

Eth dissabte 20 de hereuèr se disputarà era mitica “quattro Era Baishada” en Beret damb fòrça bones condicions de nhèu e ua bona prevision meteorologica.

Baqueira17feb-3

 

Era meteorologia pleaments iuernau a estat era protagonista d’aguesta tresau setmana de hereuèr damb dies de fòrtes nheuades, coma eth deluns damb 20 cm o eth dimars damb uns generosi 40 cm mès. Tanben a agut dies de fòrça solei e intens heired, enquia -15ºC a prumèra ora deth maitin deth dimèrcles, a on era paraula “ideal” se demore cuerta entà definir eth gran dia d’esquí. En aguesti moments era estacion dispause d’uns espessors en pistes d’entre 90 e 175 cm.

De cara ara dimenjada era prevision meteorologica ei bona e se demore daurir lèu era totalitat des installacions dera estacion s’es condicions ac permeten e era prevision se manten. De hèt, aguesta setmana dejà s’an arribat as 145 km dauridi des 150 que dispause Baqueira Beret. Ath delà, es 34 telesères dera estacion dejà son en foncionament des de hè uns dies.

Autant eth circuit de hons coma eth boardercross son dauridi e es equipes tecniques trabalhen en snowpark. En aguesti moments se rebastissen es moduls damb er objectiu d’aué’c daurit era dimenjada.

 

AGENDA

III quattro Era Baishada: Eth pròplèu dissabte 20 de hereuèr, Baqueira Beret serà eth scenari dera tresau edicion dera carrèra Open d’esquí aupin quattro Era Baishada, patrocinada per Audi, a on es corredors auràn de superar un traçat damb seccions de parallel, super-g, sauts, quilomètre lançat, gigant e skicross. Se tracte d’ua pròva daurida a esquiaires, federadi o non, des categories entre Juveniles e Veterani D e damb fòrça prèmis.

Inscripcions en: www.quattroerabaishada.com

 

 

 

Vielha, 18 de hereuèr de 2016

 

 

Conselh Generau d’Aran: Núria Sanjuan

Hònt: Baqueira Beret

Comments are closed.