S’implemente un sistèma de comunicacion digitau tàs pacients ingressadi per COVID-19 en Espitau Val d’Aran e es sues familhes

  • Pr’amor qu’aguesti pacients non pòden recéber visites, es professionaus de sistèmes e informatica deth Conselh Generau (Aran Salut) an organizat aguest sistèma e atau es sanitaris der Espitau Val d’Aran e era Residéncia Sant Antòni coordinen cada tarde video trucades entà qu’es persones ingresades e es usatgèrs dera residéncia poguen comunicar-se damb es sues familhes

Eth govèrn deth Conselh Generau d’Aran dejà a implementat en Espitau Val d’Aran e era Residéncia Sant Antòni eth nau sistèma de comunicacion entre es pacients ingressats e es sues familhes, pr’amor que deuant eth perilh de contagi peth COVID-19 non pòden recéber visites

Atau donc, totes es tardes es pacients ingressats pòden realizar ua vidèu trucada damb es sòns familhars. Ei de besonh destacar qu’era Fundació Obra Social “La Caixa” a donat es tablets ara Residéncia Sant Antòni entà poder amiar a tèrme aguesta comunicacion.

Ath delà, entà qu’es familhes que non dispausen des mieis entà recéber aguestes trucades poguen comunicar-se damb es pacients s’a abilitat un espaci ena recepcion der Espitau entà que poguen trucar des d’aquiu e mantier aguest contacte.

En aguesti moments eth suenh des persones afectades peth coronavirus ei primordiau e, damb aguesta accion, se cerque suenhar tanben era salut emocionau de totes eres.

Comments are closed.