SIMULACRE EN INTERIOR DETH TUNÈL DE VIELHA

• Dimars que ven, 15 de noveme, eth tunèl de Vielha: Juan Carlos I demorarà barrat ara circulacion a compdar des 22h30 enquià apuprètz es 03h00 deth dia 16 de noveme a causa d’un simulacre d’accident en sòn interior.

 

tunel de vielha

 

En un comunicat emetut peth Ministèri de Foment, s’informe qu’era net deth pròplèu dimars 15 de noveme a compdar des 22h30 s’amiarà a tèrme un simulacre d’accident laguens deth tunèl Juan Carlos I, un còp aprovat tecnicaments per part de Proteccion Civiu dera Generalitat de Catalonha eth sòn Plan d’Autoproteccion (PAU). Aguesta data s’a acordat per consens entre toti es collectius implicadi dempús de dues reünions preparatòries amiades a tèrme recentaments.

S’estime qu’era sua durada oscillarà entre 3 e 4 ores apuprètz, enes quaus eth tunèl demorarà barrat ara circulacion. En cas d’emergéncia pendent era realizacion deth simulacre s’abilitarà pas peth vielh tunèl e s’ei de besonh s’interromperà.

Eth simulacre finalizarà un còp se compde damb era aprobacion deth Cap d’Emergéncies (Pompièrs).

Damb sufisenta anticipacion era Unitat de carretères informarà dera realizacion deth simulacre a trauès des pannèus d’informacion distribuïdi ena carretèra N-230.

 

 

 

Vielha, 10 de noveme de 2016

 

Conselh Generau d’Aran: Núria Sanjuan

 

Comments are closed.