Torisme Val d’Aran en Salon Ultra-Trail Montblanc

agost 27, 2019 Notícies, Torisme

  • Aguest salon ei un eveniment dedicat as carrères en camp dubèrt e s’alongarà enquia diuendres, 30 d’agost

  • Era preséncia deth territòri en aguesta hèira s’enquadre laguens des actes de promocion dera Val d’Aran by UTMB®

Era Val d’Aran, a trauès dera organizacion de Val d’Aran by UTMB® e de Foment Torisme Val d’Aran, participe enguan en Salon Ultra-Trail®, un eveniment dedicat as carrères en camp dubèrt. Un acte que comence aué e s’alongue enquiath 30 d’agost en Chamonix.

Aguest eveniment, en quau se demoren uns 30.000 visitants, s’enquadre laguens des accions de promocion dera Val d’Aran by UTMB®.

Eth village de casetes de husta si installat a pògui mètres dera gessuda dera UTMB® en la Place du Triangle de l’Amitié. Entre es diferents competicions que intègren era UTMB®, participen mès de 10.000 trail runners de mès de 100 nacionalitats.

Era Val d’Aran compartirà stand damb d’autes dues destinacions internacionaus de carrères “by UTMB®” que se celèbren en China e Omán.

Val d’Aran by UTMB®

Val d’Aran by UTMB® ei eth nau eveniment de trail running en còr des Pirenèus. Era prumèra edicion, que se celebrarà pendent es dies 3, 4 e 5 de junhsèga de 2020, formarà part deth circuit internacionau dera Ultra Trail® World Tour.

Eth recorregut complèt e es detalhs de registre s’anonciaràn pendent era sua presentacion oficiau ena setmana dera Ultra-Trail® du Mont-Blanc e ena Val d’Aran es dies 4, 5 e 6 de seteme en Vielha, Salardú e Les, respectivaments.

Comments are closed.