Arribe era “6au Era Nocturna de Vielha”

 

Eth pròplèu dissabte, 4 d’agost, a compdar des 20h00, aurà lòc era 6au edicion d’ “Era Nocturna Vielha”, corsa que se desvolope pes carrèrs de Vielha.

PROGRAMA

  • DIUENDRES 03/08

Des 16h00 a 21h00: Liurament de dorsaus

  • DISSABTE 04/08

Des 15h00 a 19h00: Liurament de dorsaus
19h00: Corses Infantils
20h00: Caminada Populara
21h00: Corsa 5km e 10km
22h30: Liurament de prèmis e tòia

Era recuelhuda de dorsau e obsequi se pòt realizar eth madeish 3 e 4 d’agost de 16h00 a 21h00 e eth dia dera corsa de 15h00 a 19h00 en Passèg dera Libertat de Vielha.

DISTÀNCIES

– Corsa 5km e 10km (2 torns sus un circuit de 5 km)
– Caminada populara 5km

– Corses infantils (diuèrsi recorreguts en tot depéner des edats)

 

 

Toti pòden participar, ja siguen en tot caminar o corrent. Rebrembram qu’es menors de 12 ans tanben auràn era sua competicion exclusiva que se realizarà tàs 19h00.

“Era Nocturna de Vielha” ei ua activitat realizada peth Club Atletic Val d’Aran (CAVA) que compde damb era colaboracion entre d’auti, deth Conselh Generau d’Aran e Torisme Val d’Aran.

Luís Carlos Medina, vicesindic d’Aran e conselhèr d’Espòrts, a manifestat: “Era Nocturna dejà s’a assolidat coma un eveniment popular e esportiu de referéncia entàs residents dera Val d’Aran e entàs persones que mos visiten”.

Vos demoram a toti eth 4 d’agost entà gaudir un an mès dera hèsta deth Running nocturn dera Val d’Aran, damb animacion, musica, tòies e sustot un gran ambient.

Mès informacion e inscripcions:

https://www.nocturnadevielha.com

 

 

 

 

Vielha, 31 de junhsèga de 2018

 

Conselh Generau d’Aran: Núria Sanjuan

Comments are closed.