Trabalhs de condicionament dera rota ath tuc deth Montlude des de Vilamòs

Vielha, 15 de junhsèga de 2016.- Eth Conselh Generau d’Aran e er Ajuntament de Vilamòs, an començat es trabalhs de condicionament dera rota deth Tuc deth Montlude des de Vilamòs.  Er Ajuntament de Vilamòs invertirà un totau de 4.000€ enes trabalhs de desbrossament e marcatge deth camin, que permeteràn ath Conselh Generau d’Aran installar posterioraments es panèus de senhalizacion dera rota que gesserà de Vilamòs enquiath cim deth Tuc deth Montlude.

montlude 1

Eth Conselh Generau d’Aran, amassa damb es ajuntaments de Les, Bossòst, Canejan, Arres e Vilamòs, impulsen aguest projècte entà potenciar eth Tuc deth Montlude de 2.518m, coma un referent de nauta montanha entàs terçons d’Irissa e Quate Lòcs e optimizar es sòns valors naturaus. Aguest hèt, hè eth projècte fòrça atractiu ja qu’era rota d’accès e descenuda pòt èster desparièra damb finau tostemp en un des cinc pòbles.

Eth conselhèr de Territòri, José Antonio Boya, demanèc era implicacion deth rèste des ajuntaments entà que participen, amassa damb eth Conselh Generau d’Aran, ena neteja des camins tradicionaus entà facilitar er accès ara rota des des pòbles respectius.

montlude2

Comments are closed.