Es tres ossardets neishudi er an passat en Aran Park, eth parc de Fauna dera Val d’Aran plaçat en Bossòst, an estat transportadi damb èxit ath Parc Animalier des Pyrénees, ena poblacion francesa d’Ayzac- Os pròp de Lourdes.
Es tres cadèths, Inda, Misha e Trona, neishudi des ossi Luna (8 ans) e Ben (4 ans) an agut qu’èster transportadi a un aute parc pr’amor qu’er espaci des ossi d’Aran Park non podie acuélher a cinc exemplars.
Eth traslat a requerit anestesia e, abans deth traslat s’an sometut a un examen veterinari. A causa der excedent d’ossi en captivitat e era dificultat entà trobar parcs entà plaçar-les, aué s’an esterilizat as ossi mascles (Ben e Indu) entà que non poguen auer mès hilhs.
Arrebrembam qu’eth parc de Fauna dera Val d’Aran, Aran Park, daurirà ath public eth pròplèu dia 1 d’abriu, damb orari de 09h00 a 18h00, e es mèsi de junhsèga e agost de 09h00 a 19h00. Enguan eth parc estrearà recinte damb 4 exemplars de lop europèu.
Vielha, 21 de març de 2017
Conselh Generau d’Aran: Núria Sanjuan