Aguesta darrèra dimenjada de gèr s’amièc a tèrme, en Beret, eth XIXau Memoriau Montse Corominas categoria U14 organizat peth CEVA e en ues condicions fòrça bones dempús des darrères nheuades.

Eth dissabte se disputèc eth SL a on es corredors deth CAEI obtengueren uns grani resultats en tot arténher ena categoria femenina un triplet, e ena masculina un tresau lòc.

Eth dimenge se celebrèc eth GS e encara que non s’obtengueren es resultats deth dissabte, eth balanç dera dimenjada ei fòrça positiu.

Es resultats dera equipa deth CAEI sigueren es següents:

SL Dissabte:

1a Alexia Ferret
2au Lía Tomas
3au Jara Beso

3au Nico Pomes

GS Dimenge:

3au Lía Tomas

Ena U16 se desplacèren tara Cerdanya a on s’auie de celebrar, ena estacion de La Molina, eth 9au Trofèu Infantil La Molina mès s’ajornèc a causa dera meteorologia.

Soslinhar a tres corredors U16 (Ana Vidaor, Jana Suau e David Eseverri) e ua U14 (Patricia Escolar) que sigueren seleccionadi pera RFEDI entà participar en Trofèu Borrufa que se celèbre aguesta setmana en Andòrra.

Vielha, 31 de gèr de 2017

Conselh Generau d’Aran: Núria Sanjuan

Hònt e fotos: CAEI