Universitat d’Ostiu Val d’Aran 2015. “Reconeishença des valors patrimoniaus dera Val d’Aran”

universitat ostiu Rovira Virgili

Es dies 29-30 de junh e 1-2 de junhsèga era Escòla de Tecnics Esportius dera Val d’Aran (Aubèrja Era Garona de Salardú) acuelherà eth cors dera Universitat Rovira i Virgili: “Reconeishença des valors patrimoniaus dera Val d’Aran”.

• Era Val d’Aran trebalhe en desparièrs eishi, e un des grani objectius ei era maximala catalogacion coma Patrimòni dera Umanitat

Pendent es dies 29-30 de junh e 1-2 de junhsèga era Val d’Aran acuelherà eth cors qu’era Universitat Rovira Virgili impartirà: “Reconeishença des valors patrimoniaus dera Val d’Aran”.

Er objectiu deth cors ei eth desvolopament des estruments e capacitats entar estudi multidisciplinari deth patrimòni en generau. A coma prioritat era reconeishença deth Patrimòni dera Val d’Aran, enes vessants Auviatge immateriau, naturau, immòble e mòble.

S’especializarà damb es procediments entara reconeishença e contengut des bastisses istoriques.

S’adrece autant as estudiants coma as professionaus que volguen agranir e/o aprigondir enes encastres des coneishences deth patrimòni, provenenti de disciplines coma arquitectura, engenharia de bastisses, arqueologia, topografia, istòria e/o istòria der art.

En paraules deth sindic d’Aran, Carlos Barrera “es linhes deth Govèrn son trabalhar entà arténher eth maximal de reconeishença e catalogacion deth nòste patrimòni ara fin de poder obtier era catalogacion de patrimòni dera umanitat. En aguesta idèa eth Conselh Generau d’Aran amassa damb era Escòla Superiora dera Universitat Rovira e Virgili trabalhen ena confeccion de projèctes arquitectonics damb era reconeishença de patologies e solucions as madeishes sus era totalitat de glèises e capèles deth nòste territòri”.

 

Mès informacion/inscipcions:

– Web URV: http://www.urv.cat/estudis/universitat_estiu/llistat_activitats.html

– Web grop de recerca Architectural Heritage: https://patriarq.wordpress.com

Eth prètz dera matricula ei de 15€.

Comments are closed.