• Eth BOE establís que, a compdar de deman dijaus 21 de mai, ei obligatòri er us dera mascareta entre es persones majors de 6 ans ena via publica, espacis ar aire liure o lòcs barrats d’us public a on non se pogue garantir era distància minima de 2 mètres 

Eth Ministèri de Sanitat a decretat er us obligatòri de mascaretes entre era poblacion ena via publica, en espacis ar aire liure e en quinsevolh lòc barrat d’us public tostemp que non se pogue garantir era distància minima de 2 mètres.

Eth BOE remasse que totes es persones majors de 6 ans auràn de complir aguesta orde ministeriau, e recomane er us de mascareta en mainatges e mainades d’entre 3 e 5 ans.

Non s’exigirà er us dera mascareta enes següents casi:

• Persones damb dificultats respiratòries
• Persones enes quaus er us dera mascareta resulte contraindicat per motius de salut justificats
• Pendent eth desvolopament d’activitats enes quaus resulte incompatible er us dera mascareta
• Causes de fòrça major o situacion de besonh