• Eth Conselh Generau d’Aran meterà a disposicion dera ciutadania drapèus dera Val d’Aran entà commemorar era Hèsta d’Aran, eth 17 de junh

Eth Conselh Generau d’Aran, laguens deth marc dera celebracion dera Hèsta d’Aran d’enguan, met a disposicion dera ciutadania deth territòri drapèus d’Aran entà commemorar eth 17 de junh.

Totes es persones que volguen poiràn remassar eth sòn drapèu deth 10 ath 16 de junh en:

– Oficina de Torisme de Salardú, de deluns a dissabte en orari de 09:30 a 12:30 ores e de 14:30 a 19:30 ores

– Oficina de Torisme de Vielha, de deluns a dissabte en orari de 09:30 a 13:30 ores e de 14:30 a 20:00 ores

– Ajuntament de Bossòst, de deluns a diuendres de 08:00 a 15:00 ores

– Ajuntament de Les, de deluns a diuendres de 08:00 a 15:00 ores

Vielha, 10 de junh de 2022