Eth dissabte, dia 24 de mai, aurà lòc en Vielha eth VIII Concors Morfologic dera Oelha Aranesa, era Hèira dera oelha aranesa e un mercat d’artesans “Es productes dera nòsta tèrra”

Er Ajuntament de Vielha e Mijaran organize, damb era collaboracion deth Conselh Generau d’Aran, a trauèrs deth Departament d’Agricultura, Ramaderia e Medi Naturau, eth VIII Concors Morfologic dera oelha aranesa e ua hèira dera oelha aranesa e mercat d’artesans “Es productes dera nòsta tèrra” que se celebrarà en Vielha en parcatge des antigues casèrnes militars.

Eth programa ei eth que seguís:

09h00: Entrada deth bestiar.

10h30: Concors Morfologic dera Oelha Aranesa

10h30: Esdejoar popular: degustacion de oelha aranesa ena brasa

10h30-14h00: Mercat d’artesans

10h30-13h00: Activitats infantiles

12h00: Demostracion deth trabalh des gossets tath bestiar

12h30: Talhèrs de lan de oelha aranesa a cargue de Carmen Bonifaci (cau portar agulhes de tricotar)

14h00-18h00: Mercat d’artesans

16h00: Talhèrs de lan de oelha aranesa a cargue de Carmen Bonifaci (cau portar agulhes de tricotar)

16h00-18h00: Activitats infantiles

17h00: Sorteg deth valor d’un anhèth aranés entà qui endóvie eth sòn pes e, ara seguida entrèga de prèmis deth Concors Morfologic dera Oelha Aranesa

18h00: Clausura dera Hèira

Tant eth Concors Morfologic dera oelha aranesa, era hèira e eth mercat compden damb eth supòrt dera Deputacion de Lleida, Era Tringòla e Acora.

En paraules deth conselhèr d’Agricultura, Ramaderia e Medi Ambient, José E. Arró “damb aguest tipe d’activitats volem mantier era nòsta tradicion ramadèra e potenciar era oelha aranesa qu’a ua excellenta carn e lan.”