Vielha, 1 d’agost de 2017.- Es mainatges e mainades deth casau d’ostiu “Montanhetes”, organizat per Era Pòrta d’Aran, visitèren ager era sedença deth Conselh Generau d’Aran entà hèr ua visita guidada e conéisher era foncion deth Conselh atau coma era sua organizacion e es prètzhèts que s’i amien a tèrme.

En Conselh Generau sigueren arrecebudi pera conselhèra de Torisme, Desvolopament Economic, Salut e Benéster, Anna Díaz, que les expliquèc es foncions e eth foncionament deth Conselh Generau d’Aran. Es visitants se mostrèren fòrça interessadi entà saber a on viuien es prumèrs poblants dera Val d’Aran, a on nèish er arriu Garona, o qué ei “er Armari des sies claus”, entre d’auti aspèctes dera charrada que les aufriren era conselhèra Anna Díaz e eth responsable de Cultura e Auviatge deth Conselh Generau d’Aran.

Era activitat acabèc damb ua visita guidada ara sedença deth Conselh Generau d’Aran.