Xau FESTIVAU DE TEATRE ENA ESCÒLA

• Pendent aguesta setmana, era Escòla Alejandro Casona de Les, era Escòla Sant Ròc de Bossòst, era Escòla Loseron d’Arties e era Escòla Garona de Vielha an interpretat diuèrses òbres teatraus arrevirades ar aranés.

• Eth Conselh entreguèc un diplòma as participants despús des representacions. Tanben harà un CD de fòtos e un video dera òbra a cadua des escòles participants.

 

????????????????????????????????????

Un an mès, eth Conselh Generau d’Aran a trauèrs deth Departament de Cultura e Lengua a organizat eth Xau Festivau de Teatre ena Escòla.

 

DSC_0122

 

Pendent aguesta setmana, alumnes dera Escòla Alejandro Casona de Les, dera Escòla Sant Ròc de Bossòst, dera Escòla Loseron d’Arties e dera Escòla Garona de Vielha an interpretat diuèrses òbres teatraus arrevirades ar aranés.

 

DSC_0176

 

Era representacion des òbres s’a realizat ena Sala d’actes der Ajuntament de Les e ena sala d’actes dera Escòla Garona de Vielha. Eth Conselh Generau d’Aran a metut autocars a disposicion des escòles tath desplaçament de toti es sòns escolans.

 

????????????????????????????????????

Es òbres representades podien èster originaus e inedites, adaptacions o non d’òbres existentes, e en aranés (occitan d’Aran) damb eth tèma e eth genre dramatic ei liure. Era durada des òbres an virat ath torn des 30 minutes.

 

DSC_0226

 

Eth Conselh Generau d’Aran a participat enes despenes que se podien originar ara ora dera representacion des òbres damb un totau de 240 € per escòla o grop d’escòles participantes. Tanben entreguèc un diplòma as participants despús dera representacion e harà un CD de fòtos e un video dera òbra a cadua des escòles participants.

 

DSC_0247

 

S’a convidat ara direccion de cada escòla participanta entà assistir tara Serada d’entrèga des prèmis enes dies propèrs ara Hèsta d’Aran, laguens des actes corresponents ara sua celebracion.

 

DSC_0258

 

 

 

Vielha, 28 d’abriu de 2017

 

Conselh Generau d’Aran: Núria Sanjuan

Comments are closed.