XXVIIau Concors Literari Mn. Condò Sambeat. Xau Concors de Diboish ena escòla. Xau Festivau de Teatre ena escòla. Vau Concors de Comic

Mn - copia

 

XXVIIau CONCORS LITERARI MN CONDÒ SAMBEAT

  • Categoria Narracion

Nivèu A:

Entà estudiants de 5au e 6au de primària.

Minim 2 huelhes DIN A-4, sonque per ua cara.

Prumèr prèmi 100 € e diplòma.

Finalista 75 € e diplòma.

Dus accèssits de 50 € cada un damb diplòma.

 

Nivèu B:

Entà estudiants de 1èr e 2au d’ESO.

Minim 3 huelhes DIN A-4, sonque per ua cara.

Prumèr prèmi 125 € e diplòma.

Finalista 100 € e diplòma.

Dus accèssits de 75 € cada un damb diplòma.

 

Nivèu C:

Entà estudiants de 3au e 4au d’ESO.

Minim 6 huelhes DIN A-4, sonque per ua cara.

Prumèr prèmi 175€ e diplòma.

Finalista 125€ e diplòma.

Dus accèssits de 100€ cada un damb diplòma.

 

  • Categoria Poesia

Nivèu A:

Entà estudiants de 5au e 6au de primària.

Minim 12 vèrsi.

Prumèr prèmi 100 € e diplòma.

Finalista 75 € e diplòma.

Dus accèssits de 50 € cada un damb diplòma.

 

Nivèu B: 

Entà estudiants de 1èr e 2au d’ESO.

Minim 16 vèrsi.

Prumèr prèmi 125 € e diplòma.

Finalista 100 € e diplòma.

Dus accèssits de 75 € cada un damb diplòma.

 

Nivèu C: 

Entà estudiants de 3au e 4au d’ESO.

Minim 25 vèrsi.

Prumèr prèmi 175 € e diplòma.

Finalista 125 € e diplòma.

Dus accèssits de 100 € cada un damb diplòma.

 

BASES

1. Presentacion dera òbra:

a) Cau que signetz era òbra que presentatz damb un lèma o subernòm vedible.

b) Presentaratz era òbra adjunhent damb un clip ua petita envelòpa. En exterior d’aguesta envelòpa i auratz de méter eth lèma e subernòm e era categoria e nivèu a qué correspon. Laguens dera envelòpa introdusiratz un papèr damb es vòstes donades: nòm e cognòms, adreça, edat, categoria, nivèu e- plan important- un o mès numeròs de telefòn de contacte. Se vos platz non presentetz es òbres separades des envelòpes en cas que portetz amassa totes es d’un cors o classa.

c) Non s’acceptaràn es trabalhs a on a simpla vista s’i veigue eth nòm der autor.

d) Presentatz es vòsti trabalhs mecanografiats.

e) Ei obligatòri de presentar es òbres en supòrt informatic ath delà d’en supòrt papèr. Mesura dera hònt: 12, interlinhat 1,5. Eth supòrt informatic des trabalhs serà der entorn windows (preferentament word).

f) Sonque s’acceptaràn trabalhs a man se son de Nivèu A.

2. Presentacion dera òbra: Sonque s’acceptarà ua òbra per nivèu, mès podetz presentar-vos enes disparières categories.

3. Era òbra a d’èster inedita.

4. Es trabalhs an d’èster redigits en aranés o en quinsevolh des auti dialèctes o variantes der occitan.

5. Es trabalhs s’auràn de presentar en Departament de Cultura e Lengua deth Conselh Generau d’Aran abans deth 21 d’abriu de 2017.

6. Era composicion deth jurat e eth sòn veredicte se haràn a conéisher en ua serada de liurament de prèmis enes dies propèrs ara Hèsta d’Aran, laguens des actes corresponents ara sua celebracion. En cas qu’es guanhadors des prèmis non poguen assistir tad aguesta serada de liurament de prèmis, auràn de cercar a quauquarrés (amic o familiar) que pogue representar-les e recuélher eth prèmi.

7. Es òbres presentades demoraràn en proprietat deth Conselh Generau d’Aran.

 

Xau CONCORS DE DIBOISH ENA ESCÒLA  Vau CONCORS DE COMIC 

Categories concors de diboish:

  • 1èr e 2au. primària
  • 3au e 4au. primària
  • 5au e 6au. primària

– Categories concors de comic:

  • 1èr e 2au. ESO.
  • 3au e 4au. ESO.
  • Bachelierat e Formacion Professionau.

 

Tecnica: Liura (aquarèlles, gredons de colors, ceres, tempères, etc…), eth supòrt tanben ei liure. Non a d’èster presentadi emmarcadi. Non s’acceptaràn òbres presentades en 3 dimensions.

Tèma concors de diboish e comic: Es mestièrs.

Tèma concors de comic: Liure

Presentacion: Es diboishi e comics se presentaràn signadi per un subernòm ath pè deth diboish e tanben damb era categoria ara quau apertien. Ena part de darrèr deth diboish s’i meterà eth nòm dera escòla o centre. En ua envelòpa a part, damb eth subernòm dehòra, s’i meteràn laguens, es donades der autor/autora: nòm e cognòms, edat, categoria, telefòn o telefòns de contacte e adreça postau. Aguesta envelòpa se junherà damb un clip ath diboish o comic.

Eth diboish s’aurà de hèr ena escòla, laguens dera activitat de plastica, jos era supervision deth professor-a d’aguesta matèria. Non se pòt hèr en casa. Es categories que corresponen a 1èr, 2au, 3au, 4au d’ESO e ath Bachelierat e Formacion Professionau òc que pòden trabalhar en casa. Sonque se poderà presentar un diboish o comic per mainatge/mainada. E en çò que hè as comics s’avalorarà tanben eth tèxte qu’aurà de redigir-se en lengua occitana, o en quinsevolh des dialèctes o variantes d’aguesta.

Plaç de presentacion: 20 d’abriu de 2017

Prèmis concors de diboish:

  • 1èr- 2au. e 3au-4au de primària: Estug complèt de diboish tàs premiadi (1èr. prèmi, Finalista e accèssit).

Prèmis per categoria

  • Era categoria de 5au, 6au, de primària:

1èr. Prèmi de cada categoria: 150 €

Finalista de cada categoria: 100 €

2 accèssits de cada categoria de 50 €

 

Prèmis concors de comic:

  • Es dues categories de 1èr-2au. e 3au.-4au. ESO

Prèmis per categoria

1èr. Prèmi de cada categoria: 150 €

Finalista de cada categoria: 100 €

2 accèssits de cada categoria de 50 €

  • Categoria de Bachelierat e Formacion Professionau

1èr. Prèmi: 200 €

Finalista: 150 €

2 accèssits de cada categoria de 100 €

 

  • Es prèmis s’entregaràn enes dies propèrs ara Hèsta d’Aran, laguens des actes corresponents ara sua celebracion. En guanhadors des prèmis enes diuèrses categories auràn d’assistir tara serada de liurament de prèmis e, en cas de non poder-i assistir, auràn d’enviar a quauquarrés (amic o familiar) que les represente e remasse eth prèmi.

 

 

Xau FESTIVAU DE TEATRE ENA ESCÒLA

 

Cada escòla o centre escolar poderà representar ua òbra.

Era representacion des òbres se harà en ua des dues sales disponibles:

Sala d’actes dera Escòla Garona de Vielha e Sala d’actes der Ajuntament de Les.

Eth Conselh Generau d’Aran meterà autocars a disposicion des escòles tath desplaçament de toti es sòns escolans.

Es òbres se representaràn pendent era primauera deth 2017.

 

Tèma, preparacion e presentacion:

Es òbres representades pòden èster originaus e inedites, adaptacions o non d’òbres existentes, e en aranés (occitan d’Aran).

Eth tèma e eth genre dramatic ei liure.

Era durada dera òbra virarà ath torn des 30 minutes.

Se facilitaràn, en cas que se demanen, es mesures exactes der scenari, mès non se poderà ensajar in situ.

Es escòles an de dar prioritat ara interpretacion sus es decorats e vestiari tà agilizar tant coma se pogue era representacion.

Eth Conselh Generau d’Aran participarà enes despenes que se poguen originar ara ora dera representacion des òbres damb un totau de 240 € per escòla o grop d’escòles participantes (cada centre aurà de gestionar aguesta quantitat e presentar ena Tresaureria deth Conselh Generau, era relacion de factures qu’acrediten es despenes hètes, amassa damb un ofici signat pera secretària o secretari deth Centre).

Eth Conselh editarà tanben es trabalhs de man damb eth resum des òbres, es actors e es diferenti personatges, donades qu’enviaràn es escòles damb auança tath Departament de Cultura e Lengua. Tanben s’entregarà un CD de fòtos e un video dera òbra a cadua des escòles e se balharà un diplòma as participants despús dera representacion.

Se convidarà ara direccion de cada escòla participanta entà assistir tara Serada d’entrèga des prèmis enes dies propèrs ara Hèsta d’Aran, laguens des actes corresponents ara sua celebracion.

 

Mès informacion des concorsi: 

Mn. Condò

 

 

 

 

 

Vielha, 25 de gèr de 2017

 

Conselh Generau d’Aran: Núria Sanjuan 

Comments are closed.