Eth programa. Orientacions entàs participants. Còdi De Bones Practiques Deth Programa Formularis d’inscripcion.

Eth Programa

Eth Volontariat per Aranés a coma objectiu facilitar as persones qu’an coneishements basics d’aranés e se vòlen lançar a parlar-lo que poguen practicar-lo damb persones que parlen abituaument aranés.

Eth programa ei pensat non sonque entà corbir es besonhs des aprenents des corsi d’aranés qu’an de besonh mès seguretat e oportunitats ara ora de parlar aranés, tanben entà persones que coneishen ben er aranés e non s’atrevissen a parlar-lo, e ath viatge entà incidir enes abituds lingüistiques des madeishi aranesoparlants qu’an de hèr der aranés era “lengua d’acuelhuda”.

Compromís e durada
Se demane destinar un minim de 10 ores ara convèrsa: 1 ora ara setmana, repartides en 10 setmanes.
A compdar des inscripcions des persones ath programa, se formen es parelhes lingüistiques, tient en compde es oraris disponibles e es afinitats. Era participacion ei desinteressada.

Qui pòt èster volontari o volontària ?
Totes es persones majors d’edat que parlen aranés abituaument. Non se demane cap de titulacion, sonque an de disposar d’ua ora ara setmana entà dar convèrsa en aranés ara persona interessada en practicar-lo.
Se voletz participar en programa auetz d’aumplir eth formulari d’inscripcion.

Qui pòt èster aprenent o aprenenta?
Totes es pesones majors d’edat que ja coneishen un shinhau er aranés, que ja lo parlen encara que sigue damb dificultats e que vòlen pèrder era vergonha, auer mès fluiditat e incorporar-lo d’ua foma naturau as activitats quotidianes, en trabalh o enes relacions sociaus.
Se voletz participar en programa auetz d’aumplir eth formulari d’inscripcion.

Entà mès informacion:
Conselh Generau d'Aran
Departament de Cultura
Passeg dera Libertat, 16
25530 Vielha
Tel. 973641801. Fax 973641769
Adreça electronica: Esta dirección de correo electrónico está protegida contra los robots de spam, necesita tener Javascript activado para poder verla