5 Pòdiums deth Club CEVA enes Campionats d’Espanha d’Esquí Aupin U14 e U16 en Aramón-Cerler

Lisa Vallcorba 1èra dera Generau dera Copa d’Espanha 2016/2017

Lisa Vallcorba e Eugene Brotons deth Club CEVA Campiones d’Espanha en Cerler

IMG_5858

Lisa Vallcorba deth Club CEVA, se proclamèc deluns campiona d’Espanha deth GS U16 en Aramón-Cerler. Damb aguesta victòria, Lisa Vallcorba a artenhut era 1èra posicion dera classificacion Generau dera Copa d’Espanha 2016/2017.

Es Campionats d’Espanha d’Esquí Aupin U14/U16, organizadi pera Reau Federacion Espanhòla d’Espòrts d’Iuèrn (RFEDI) e era Federacion Aragonesa Espòrts d’Iuèrn acuelheren pròp de 150 esquiaires. Era cita esportiua siguec era darrèra des pròves dera Copa d’Espanha Audi dera categoria.

Lisa Vallcorba e Eugene Brotons deth Club CEVA, s’an proclamat Campiones d’Espanha d’esquí aupin U14 e U16, ena competicion disputada en Aramón-Cerler.

Eugene Brotons siguec era clara guanhadora deth Slalom Gigant en categoria U14, en tot arténher era 4au medalha des Campionats d’Espanha entath Club CEVA; mentre Lisa Vallcorba artenhie era prumèra posicion en Slalom Gigant ena categoria U16.

IMG_5897IMG_5857

Es corredores deth Club CEVA, artenheren era victòria ena SL U16 e GS U14 des Campionats d’Espanha. Cap destacar era dusau posicion d’Eugene Brotons ena classificacion Generau ena categoria U16 dera Copa d’Espanha, e eth tresau lòc ena supercombinada.

Pera sua part, Tomás Barata, artenhec era 8au posicion en Slalom Gigant dera categoria U14.

IMG_5683 IMG_5684 IMG_5687 IMG_5854

Hònt e Fòto: Club CEVA

Comments are closed.