Vielha, 7 de juny de 2017.- Damb motiu dera celebracion deth Dia Internacionau des Archius, er Archiu Generau d’Aran harà ua jornada de pòrtes dubèrtes eth pròplèu diuendres 9 de junh.

Pendent era jornada s’exposarà ua mòstra de documents restauradi compausada per 245 pergamins, 18 libres, 1 grauat e 6 manuscrits procedenti des hons documentaus depausadi en Archiu.

Era celebracion deth Dia Internacionau des Archius ena Val d’Aran compdarà tanben damb era projeccion deth vidèo documentau sus era restauracion d’”Era Querimònia”, eth conjunt de privilègis concedidi ara Val d’Aran er an 1313 peth rei Jaume II d’Aragon des deth Castèth dera Suda de Lhèida, que confirmèc es Usatges e Constitucions des abitants d’Aran.

Es projeccions se realizaràn tas 12.00 e a tas 18.00 ores