Acte de presentacion des Gòis a Sant Ròc

Vielha, 16 d’agost de 2017.- En un acte organizat per Ajuntament de Vilamòs, damb era collaboracion deth Conselh Generau d’Aran, ena Glèisa de Santa Maria de Vilamòs debanèc era presentacion des “GÒIS A SANT RÒC” era darrèra produccion musicau en aranés deth Grop de musica e Cultura aranesa, Es Paums, damb letra deth poèta dera Val d’Aran Jèp de Montoya e musica deth compositor d’ascendéncia aranesa Jaume Masana “CASTÈTH” e es diboishi e illustracions de Jose Fenoy.

WhatsApp Image 2017-08-16 at 10.22.41
Er acte compdèc damb era presència deth síndic d’Aran, Carlos Barrera, deth baile de Vilamòs, Francès Castet, er autor dera letra Jèp de Montoya e es promotors deth Grop Es Paums, Jusèp Antòni Castet e Tonho Castet.

Es Gòis son ua composicion poeticomusicau de ueit estrofes mès entratge e retorn enes vèrsi heptasilabs entièraments en aranés, editadi en ua bèla huelha artistica que conten era letra, era musica e ua orla damb motius dera flòra, fauna e istòria dera Val d’Aran.

 

En madeish acte Es Paums presentèren era rèsta d’eveniments programadi en Vilamòs pendent aguest estiu:

  • II TORNEG POPULAR DE TENNIS DE TAULA- VILAMÒS 2017, pròva esportiua que se celèbre pendent era Hèsta major de Vilamòs.
  • AUMENATGE Ath FILOLÒG JOAN COROMINES, que se celebrarà eth dia 15 d’Agost, acte en que se descorbirà ua placa en sòn aunor.
  • DEDICACIONPLAÇA EMONUMENT ATH VENERABLE JOAN DE VILAMÒS,  religiós que moric era aunor de santedat a celebrar eth 24 de Seteme..
  • PRESENTACION LOGOTIP”VILAMÒS, TIÒ, CULTURA E NATURA”.

 

Pendent er acte se presentèc eth logotip de Vilamòs, guanhador deth Concors impulsat per Ajuntament, que sometec a consulta populara entre es vesins es trabalhs de tres finalistes.
Eth logotip damb era legenda “Vilamòs, tiò, cultura e natura” preten méter en valor era aufèrta culturau e de natura deth municipi e incorpòre eth sagèth damb era qualificacion de “… eth pòble mès polit dera província de Lhèida…” Autrejat en Vilamòs pes lectors deth Jornau Segre.

Es autors des Gòis ja son en tot trabalhar en ua naua composicion de tematica religiosa en aranés, ACCION DE GRÀCIES, que serà presentada pendent es actes d’inauguracion dera plaça e monument ath Venerable Joan de Vilamòs.

gois1

 

Comments are closed.