Actes deth Conselh Generau d’Aran entà commemorar eth Dia Internacionau dera Hemna

Vielha, 27 de hereuèr de 2019.- Eth Conselh Generau d’Aran a trauès deth SIAH (Servici d’Informacion e Atencion as Hemnes) organize es actes de commemoracion deth Dia Internacionau dera Hemna.

Eth pròplèu diuendres 8 de març entas 11.00 ores ena plaça deth Conselh Generau d’Aran se liegerà eth manifèst institucionau e ara seguida presentacion deth video “Èm Visiblas”. Pera tarde de 17.00 a 20.00 ores inscripcions presenciaus e recuelhuda de dorsaus e samarretes entara 6au edicion dera Còrsa dera Hemna Val d’Aran.

Eth dissabte 9 de març en Palai d’Espòrts de Vielha as 17.00 ores Talhèr de circ e acrobàcies entara mainadèra. As 18.00 ores Chicolatada solidària entara investigacion deth càncer infantil en collaboracion damb era AMPA dera Escòla Garona. As 18.30 ores espectacle “El somni de la Lluna” a cargue dera associacion de circ Ntlades.

Eth madeish dissabte pera tarde ena sedença deth Conselh Generau d’Aran de 17.00 a 20.00 ores inscripcions presenciaus e recuelhuda de dorsaus e samarretes entara Còrsa.

Eth dimenge 10 de març ena plaça deth Conselh Generau d’Aran as 11.00 ores 6au Còrsa dera Hemna Val d’Aran.

Comments are closed.