Vielha, 22 d’agost de 2018.- Eth pròplèu diuendres 24 d’agost entàs 10:30 ores en parc de Fauna dera Val d’Aran, Aran Park, aurà lòc “Eth nin des arrats dromilhèrs”, ua activitat gratuïta dirigida a toti es publics entà descorbir e arreconéisher aguesta espècia e d’autes de micromamifers dera Val d’Aran.

“Eth nin des arrats dromilhèrs”, ei organizat peth Conselh Generau d’Aran a trauès deth departament d’Agricultura, Ramaderia e Miei Naturau en collaboracion damb eth parc de Fauna dera Val d’Aran. Era activitat includís ua charrada damb eth títol de “Qué ne sabem des arrats dromilhèrs?” E era revision e contròl des caishes de nin de cria.

Era activitat correrà a cargue de Lídia Freixas, investigadora especializada en aguesta espècia.

Encara qu’es places son limitades, aqueres persones que volguen participar encara son a temps de formalizar era inscripcion en tot telefonar ath Conselh Generau d‘Aran (973 64 18 01) o en tot enviar un corrèu a g.vilo@aran.org persona de contacte Gerard Viló.