Actuacions pes ploges des darrères ores ena Val d’Aran

Vielha, 13 de junh de 2018.- A causa des ploges queigudes enes darrères ores ena Val d’Aran, Proteccion Civiu dera Generalitat a activat eth Plan Inuncat (Plan Especiau d’Emergéncies per Inondacions) en fasa de Pre-Alèrta pera creishuda des arrius en tot eth territòri aranés.

Deuant dera persistencia des ploges pendent aguest maitin, era companhia Endesa a activat eth sòn pròpri Plan d’emergéncia en coordinacion damb era Confederacion Idrografica der Ebre (CHE).

Eth sindic d’Aran Carlos Barrera, manten eth contacte permanent damb toti es ajuntaments dera Val d’Aran, as que a comunicat era activación d’aguesti dus plans d’emergéncia.

Fin finau eth sindic d’Aran, a comunicat qu’eth Conselh Generau d’Aran, ja a realizat ua prumèra accion en arriu Varradòs e manten ua maquina giratoria de retén en Era Bordeta, per se siguesse de besonh actuar en aguest punt deth cors der arriu Garona.

Comments are closed.