• Eth GRM de Pompièrs d’Aran a possat pendent dus ans, amassa damb d’auti grops de rescat en montanha de tota Espanha, era creacion d’aguesta Associacion que facilitarà ath collectiu un trabalh conjunt entà escambiar coneishements e e susvelhar es drets des sòns professionaus

Era Val d’Aran acuelherà aguesta tarde era prumèra jornada presenciau entara creacion dera Associacion de Grops de Rescat en Montanha, qu’amassarà a professionaus d’aguest airau de tot eth país.

Eth GRM des Pompièrs dera Val d’Aran a trabalhat pendent dus ans damb d’auti grops de rescat en montanha de tota Espanha entà crear aguesta associacion, qu’a coma objectiu redactar un estatut pròpri e crear atau un front comun e dar votz ad aguest collectiu, en tot susvelhar es drets e reclamar es besonhs des sòns professionaus.

Pendent aguesta prumèra jornada, qu’aurà lòc ena sedença administrativa deth Conselh Generau d’Aran, s’amiaràn a tèrme ua sèrie de charrades relacionades damb eth rescat en montanha, coma era normativa aeriana entàs rescats damb elicoptèr, es lauegi, era qualificacion professionau. Ath delà, Pompièrs-Emergéncies presentarà tanben era sua estructura organizativa.