Vielha, 9 de junh de 2018.- Eth Conselh Generau d’Aran en marc dera Hèsta d’Aran, a organizat un an mès, er acte d’autrejament des Prèmis Literaris XXVIII Mn. Condò Sambeat, XVIII edicion deth Prèmi Aran de Literatura, XI Concors de Diboish ena Escòla e XI Festivau de Teatre ena Escòla.
Er acte s’a celebrat ena glèisa de Mijaran e a estat presidit peth sindic d’Aran, Carlos Barrera, acompanhat deth vicesindic e conselhèr de Governacion, Frances Medan, dera conselhèra de Torisme e Desvolopament Economic, Anna Díaz, e deth conselhèr de Territòri, José Antonio Boya, eth conselhèr, Frances Boya e eth baile de Vielha e Mijaran, Juan Antonio Serrano. Ar acte tanben an assistit diuèrsi representants dera cultura e era societat aranesa.
Eth sindic d’Aran, Carlos Barrera, pendent era sua intervencion en acte d’autrejament deuant eth nombrós public assistent, a destacat era importància de poder celebrar era 28au edicion deth prèmi Mossen Condò Sambeat, en ua situacion qu’actuauments viuem, çò que signifique entàs aranesi e entàs futures generacions, en tot soslinhar, qu’un pòble damb cultura ei un pòble damb futur e era responsabilitat des institucions ei implicar-se ath maximal en desvolopament culturau deth país.
Eth sindic d’Aran, a ahijut, qu’aguesti prèmis literaris son imprescindibles entara defensa e er emplec sociau dera lengua aranesa, e en tot dirigir-se as mès joeni a dit que son eri es quaus en un futur les calerà deféner laguens e dehòra deth país aguest signe d’identitat que represente era lengua aranesa.
Es premiadi d’aguesta edicion an estat:
XXVIIIau edicion deth prèmi de Literatura Infantila e Juvenila, Mn. Condò Sambeat
Categoria Narracion
Nivèu A
2au Accèssit a Andrea Ros Moga per “Tres moments ena vida”
1èr Accèssit a Ares Palacin Batmala per “Ua vida diferenta”
Finalista a Lara Rodríguez López per “Sonque tu”
1èr Prèmi a Ingrid Martinas per “Peter e era Pasca”
Nivèu B
Aguest Nivèu, ena Categoria de Narracion, prèvia intensa deliberacion per part deth Jurat, s’a creigut oportun deishar-lo desèrt a excepcion dera òbra de Paula Palacin Batmala que pòrte per títol “Víuer eth present” e qu’a mereishut un accèssit.
Nivèu C
2au Accèssit a María Sanz Rodríguez per “Daurí un uelh e…”
1èr Accèssit a Ana Sanz Rodríguez per “Toti èm nómades”
Finalista a Celia Sanz Rodríguez per “Testimòni Criminau”
1èr prèmi a Sara Barba Molins per “Eth trebalh libère”
Categoria Poesia
Nivèu A
2au Accèssit a Vega Carrera Sánchez per “Es mèns libres”
1èr Accèssit a Aitana Batalla Estévez per “Ua polida epòca”
Finalista a Gala García Moga per “Libertat”
1èr Prèmi a Jana Batalla Estévez per “Enquiath Cèu”
Nivèu B
2au Accèssit a Naomi Isabel Radion per “Lectura”
1èr Accèssit a Ferran Pérez per “Da-me ua paraula”
Finalista a Clàudia Capdevila España per “Es Joeni”
1èr Prèmi a Júlia Sánchez González per “Vos demori”
Nivèu C
Accèssits a Ana Sanz Rodríguez per “Tu” e a Ariadna Rodríguez Torres per “A viatges”
Finalista a Ares Capdevila España per “Viatjar”
1èr Prèmi a Mohamed Largo Yagoubi per “Lieg-ac ath revès”
Membres deth Jurat dera XXVIIIau edicion deth prèmi de Literatura Infantila e Juvenila, Mn. Condò Sambeat:
Tòni Escala
Ana García
Marta Peremiquel
Ma. Pau Gómez
Manolita Amiell
XVIIIau edicion deth prèmi Aran de Literatura
Categoria Narracion
-2au Accèssit a Ares Capdevila Brualla pera òbra “Eth viatge sense tornada”.
-1èr. Accèssit a Cristina Enseñat Beso pera òbra “Gina e es petites lances empodoades”
-Finalista a Patrick Verdier pera òbra “ Benalejas de Bacalan, detectiu gascon”
-1èr Prèmi a Jean Claude Puech pera òbra “Cortetas de Mananca;Flors paganas”
Categoria Poesia
-Accèssit a Ruth Gallardo Castillejo pera poesia “Era Val”.
-Finalista a Tòni Escala pera poesia “Traicion/país”.
-1èr. Prèmi a Xavi Gutiérrez Riu pera poesia “Prumèr d’octobre”.
Categoria Novèlla Juvenila
-Finalista a Lourdes Santacruz pera òbra “Eth messatge”.
-1èr. Prèmi a Amy Cros pera òbra “Espèr”.
Membres deth Jurat der XVIIIau Prèmi Aran de Literatura:
Emma-Joana Masseillou
Ma. Àngels Ros
Pili Ares
Ramon Sistac
XIau Concors de Diboish ena Escòla
Categoria 1èr e 2au de Primària
Accèssits a Bernat Domínguez e Álex Boya Sirat
Finalista a Jan Puyol Ruíz
1èr Prèmi a Iván Sanjuan Hila
Categoria 3au e 4au de Primària
Accèssits a Aina Cuito Solà e Hugo Suárez Laffontan
Finalista a Elsa Sabi Gómez
1èr Prèmi a Maria Ubeira Puente
Categoria 5au e 6au de Primària
Accèssits a Vega Carrera Sánchez e Mari Cielito Díaz Aguilar
Finalista a Gala García Moga
1èr Prèmi a Rita Alonso Casablancas
Categoria 1èr e 2au d’ESO
Accèssits a Cloe Suárez Laffontan e Marc Grijalba Ruíz
Finalista a Maria Ilenia
1èr Prèmi a Irati Rossignol Viló
Categoria 3au e 4au d’ESO
Accèssits a Alice Marcini e Júlia Cervantes Díaz
Finalista a Aleix Filloy Cavero
1èr Prèmi a Ariadna Rodríguez Torres
Categoria Bachelierat Professionau
Accèssit a Aitor Vivancos López
Finalista Aghata Medina Ruíz
Membres deth Jurat der XIau Concors de Diboish ena Escòla:
Glòria Coronas
Miquèu Herreros
Susana Martínez-Cantullera
Virgínia Basullas
Carla del Valle
XIau FESTIVAU DE TEATRE ENA ESCÒLA
Ena 11au edicion deth Festivau de Teatre ena Escòla participèren alumnes des escòles de Les, Bossòst, Vielha e Gessa, que representèren es òbres ena Sala d’actes dera Escòla Garona de Vielha e ena Sala d’actes der Ajuntament de Les. Es directores des escòles participaires an arrecebut un quadre damb scènes des pentures reneishentistes dera S.XVI des Vertuts dera glèisa d’Unha, en reconeishement peth trabalh realizat.
Ena vessant musicau der acte d’autrejament des prèmis a corrut a cargue dera Corau Quate Sons, integrada per hemnes de Les e Bossòst dirigides per Maria Vergés, qu’an interpretat “Eth Pònt de Mirabel” cançon tradicionau nòrd occitan; “Sonque Tu” adaptacion ar aranés der imne galés deth S.XIX “Calon Lan”; “Pavana” cançon compausada per Thoinot Arbeu en S.XVI adaptada per Pepita Caubet; “Pregaria Irlandesa” e “Ara Mia” version aranesa deth classic de Frank Sinatra “My Way”; e fin finau entà barrar er acte er imne dera Val d’Aran “Aqueres Montanhes”.