Era estacion d’esquí de Baqueira Beret e Torisme Val d’Aran an installat un igló en centre de Madrid entre es dies 19 a 21 de noveme entà hèr conéisher es nauetats deth pròplèu iuèrn, realizar ua degustacion de productes aranesi e sortejar forfaits, estades e enquià ua experiéncia de heliesquí.

Madrid se desvelhèc ager dijaus, 19 de noveme, un shinhau mès apròp der iuèrn damb era installacion ena cèntrica plaça Margaret Thatcher dera carpa-igló qu’arribe des de tèrres araneses. Eth diuendres e dissabte a compdar des 14h00 e enquiàs 20h00 serà eth moment entà descorbir es naues pistes, zònes d’òci, restaurants e experiéncies uniques qu’aufrissen Baqueira Beret e era Val d’Aran entara sason qu’ei prèsta de començar.

Es 155 km de pistes qu’era estacion aranesa prepause aguest iuèrn daràn fòrça que parlar atau coma era naua zòna d’après ski que s’a installat en Otèl Montarto. Bars e restaurants entà dempús d’un long dia damb es esquís metudi en ua zòna privilegiada de Baqueira 1500. Es assistents tanben poderàn descorbir era pista Audi Ski Kronos e hèr concurréncia de manèra ludica entre amics ath madeish temps que compartissen era sua experiéncia enes hilats sociaus.

I a mès nauetats ena estacion a descorbir en igló de Madrid mentre se degusten productes artesanaus dera Val d’Aran. E coma detalh, se sortegen estades complètes, forfaits, corsi d’esquí, sopars e ua experiéncia de heliesquí.

Carpa-Igló Baqueira Beret – Val d’Aran
Plaza Margaret Thatcher (Passèg dera Castelhana damb cantoada plaça Colon) 28001 Madrid
Oraris:
Dies 20 e 21: de 14h00 a 20h00