1.CONVOCATÒRIA
Pagés Editors, er Institut d’Estudis Ilerdencs dera Deputacion de Lleida, eth diari Segre e era Escòla d’Escritura de Lleida convòquen eth Concors de Relats brèus e Microrelats “El Segre de Negre 2019” entà promòir eth genre nere en petit format.
2. CATEGORIES
Eth concors compde damb dues categories:
– Era prumèra consistís en escríuer microrelats neres o policiaus
– Era dusau, en escríuer relats brèus neres o policiaus
3. PROCEDIMENT
– Es microrelats s’auràn d’enviar a trauès de Twitter damb eth hashtag #micronegre19
– Es relats brèus s’auràn d’enviar ath corrèu electronic: info@elsegredenegre.cat
4. REQUISITS
– En çò que tanh as microrelats, an d’auer coma maxim 280 caractèrs (includit eth hashtag #micronegre19) en format de piulada (tweet). Pòden èster escrits en lengua catalana, castelhana o en aranés.
– En çò que tanh as relats brèus:
a) An d’auer un maxim de 2.500 caractèrs damb espacis, tipes de letra preferiblament Arial 12, format DIN A-4, a doble espaci.
b) Pòden èster escrits en lengua catalana, castelhana o en aranés.
c) En apartat ahèr deth corrèu electronic se harà constar unicaments era frasa “Opta al premi Segre de Negre”
d) En còs deth messatge se harà a constar coma tèxte eth títol dera òbra, sense cap mès referéncia o identificacion.
e) Er originau qu’òpte ath prèmi s’adjunherà ad aguest messatge en format PDF. Aguest document aurà coma nòm eth madeish que cònste coma títol dera òbra en còs deth messatge (apartat c).
f) En aute document adjunhut ath madeish messatge, tanben en format PDF, se haràn a constar es referéncies que permeten identificar ar autor (nòm, cognòms, adreça, còdi postau, localitat, telefòn, adreça electronica e NIF). Aguest document aurà coma nòm era paraula PLICA seguida deth títol dera òbra que s’a hèt a constar en còs deth messatge (apartat c).
g) Sonque s’admeterà un trabalh per autor.
h) Er incompliment de bèth un d’aguesti requisits serà motiu d’exclusion.
5. TÈRMES
Eth tèrme de presentacion des trabalhs:
a) En çò que tanh as #micronegre19, se daurirà as 8 ores deth dia 30 de mai e se barrarà as 20 ores deth dia 31 de mai.
B) En çò que tanh as relats brèus, se daurirà eth dia 22 de març enquiath 23 d’abriu.
6. PRÈMIS
– En çò que tanh as #micronegre2019, eth guanhador receberà un lòt de tres libres de genre nere e ua soscripcion digitau trimestrau a Segre.com.
– En çò que tanh as relats brèus, eth guanhador participarà gratuïtaments en Seminari intensiu de novèlla nera “El Segre de negre” es dies 30 e 31 de mai de 2019 ena Universitat de Lleida e receberà un lòt de 5 libres de genre nere e ua soscripcion digitau annau a Segre.com. I aurà un accèssit ath prèmi, que receberà un lòt de dus libres de genre nere e ua soscripcion digitau semestrau a Segre.com. Ua seleccion de vint relats receberàn ua soscripcion digitau trimestrau a Segre.com des presentadi e se publicaràn en diari Segre pendent eth mes de mai.
7. JURAT
Eth jurat serà format per Montse Sanjuan, Núria Serrate, Jaume Barrull, Charo González e Jordi Suïls.
8. VERDICTE
Eth verdicte deth jurat serà inapellable. Es prèmis non poderàn demorar desèrts. Ath delà, eth jurat poderà resòlver tota qüestion dera sua competéncia que non age demorat establida de forma explicita en aguestes bases. Era decision deth Jurat se harà publica enes mieis de comunicacion.
9. CONCESSION DES PRÈMIS
Es prèmis seràn autrejadi eth dissabte dia 1 de junh tàs 13.30 ores en transcors d’un acte public en Institut d’Estudis Ilerdencs de Lleida. Ei imprescindible era preséncia des persones guanhadores tar acte de liurament o persona que les represente en cas d’impossibilitat d’assistir-i per malautia, compromisi professionaus o d’auti impediment. En cas contrari, s’entenerà que renóncien ath guerdon.
10. DRETS E OBLIGACIONS
Era organizacion des prèmis se resèrve eth dret a publicar era òbra premiada. Eth tèrme maxim entara publicacion serà d’un an. Passat aguest, es autors pòden publicar era òbra en quinsevolh editoriau, tot e qu’an de hèr a constar eth guerdon recebut. Es originaus non premiadi se destruiràn.
Eth hèt de presentar-se tath prèmi supause era conformitat des autors damb aguestes bases.
Vielha, 26 de març de 2019
Conselh Generau d’Aran: Núria Sanjuan