• Er aranés, Víctor Puente, arribèc a ueitaus de finaus en Kumité
Es competidors deth KARATE ARAN de Vielha, Beltrán Bascones Sánchez e Víctor Puente Jankovic participèren dissabte passat, 21 de març, ena XXXVII EDICION DETH CAMPIONAT NACIONAU KYOKUSHIN de Xest (Valéncia), enes categories de Kata (formes) e Kumité (combat).
Beltrán Bascones, participèc ena categoria Alevin (10-11 ans) e Víctor Puente, en Benjamin (8-9 ans).
Ángel Mateo, Shihan e professor dera Escòla de Karate deth Palai de Gèu de Vielha, destaquèc “era bona participacion e eth bon resultat de Beltrán, qu’artenhec eth títol de Campion Nacionau de Katas e Subcampion Nacionau de Kumité e era bona actuacion de Víctor, qu’arribèc a ueitaus de finaus ena categoria de Kumité.”
Eth pròplèu 19 d’abriu, es dus competidors ath costat dera rèsta des classificadi enes Jòcs Escolars deth KARATE ARAN: Alexandre Bermudo, Marc Cornejo, Adrián Sarion e George Sarión, participaràn en Campionat Interregional qu’aurà lòc en Pont de Suert.