Era estacion de Boí Taüll acuelhec era 6au edicion deth Trofèu GER, ua pròva organizada peth Club GER e que forme part tant deth circuit d’Alevins I e Alevins II Audi Quattro Cup, coma deth 22au Circuit d’Interclubs, ambdús d’esquí aupin.
Era pista Vaques acuelhec pendent era dimenjada, aguesta competicion que dèc eth trèt de gessuda dissabte damb era disputa d’un Gigant a ua soleta manja puntuable entà Alevins e Interclubs, es quaus tanben participèren en Eslalom a 2 manges, que debanèc eth dimenge 23 ena madeisha pista.
Trofèu GER ALEVINS
Paloma Antunez deth CCA e Pol Ubach der AEP se portèren es prumères posicions deth Gigant ena categoria U10, seguidi en dusau lòc de Martina Puvill e Bruno Chalbaud deth CAEI, e eth tresau lòc d’Emma del Rio deth CEVA e Hugo Llamas deth CCA. Ena categoria U12, es guanhadors sigueren Maria Ravetos deth CCA e Pau Indiano deth CSC. Pugèren ath dusau esgraon deth pòdi Carla Maristany e Octavi Aris deth CAEI, deth temps qu’es corredors deth CEVA, Arrieta Rodriguez e Paul del Rio sigueren es 3aus classificadi.
TROFÈU GER INTERCLUBS
Per çò qu’ei der Eslalom celebrat eth dimenge 23 de hereuèr, es guanhadors ena categoria U16, es guanhadors en Eslalom sigueren Mireia Torrent e Alex Muxi deth PC, seguidi des dusaus classificadi Andrea Carriere e Pablo Torne deth CAEI e des tresaus Ariadna Orfila der EEC e Juan Galofre der AEP. Ena categoria U18 Maia Roura deth GER e LLuis Escayola deth CAEI se proclamèren guanhadors, seguidi des dusaus classificadi Paula Cuellar deth CEVA e Gonzalo Bertran deth CANMC. Es tresaus en aguesta categoria sigueren Carla Albert deth CEVA e Ignacio Hellin deth CSC.
Laguens eth Trofèu GER Interclubs, tanben se disputèc un Gigant. Ena U16 es mès rapids sigueren Mireia Torrent e Alex Muxi deth PC, deth temps qu’es dusaus en arribar sigueren Maria Serra deth PC e Juan Galofre der AEP, seguidi d’Andrea Carriere deth CAEI e Benjamin Abadia deth CEVA. Ena U18, es campions sigueren Maia Roura deth GER e Marc Muxi deth PC, dusaus Carla Albert deth CEVA e Ignacio Hellin deth CSC, e tresaus Paula Cuellar de CEVA e Lluis Escayola deth CAEI.