• Podiums des corredors deth CAEI e es deth COPOS (CSC) artenhen fòrça boni resultats.
Aguesta passada dimenjada en Espot es grops d’Interclubs dauriren eth sòn calendari de competicions. Es corredors aranesi artenheren fòrça boni resultats.
Eth dissabte, 9 de gèr, se disputèc ua COMBI RACE a on es U14 dames deth CAEI se n’emportèren eth Podium. Era prumèra posicion siguec tà Aina Masip seguida de Sofia Álvarez e de Sara Blanch.
Eth dimenge, 10 de gèr, damb nhèu e vent, se hèc er SLALOM, a on es corredores araneses deth CAEI tornèren a obtier era victòria, Aina Masip pugèc naut de tot deth podium seguida aguest viatge pes sues companhes d’equip Ares Capdevila e Ana Chesa.
En U14 òmes era victòria siguec tà Guzman Fernández tanben deth CAEI. Destacabla era 4au posicion de Pablo Costa (CAEI) e era 5au posicion de Joel Belmonte deth COPOS (CSC).
Vielha, 12 de gèr de 2016
Conselh Generau d’Aran: Núria Sanjuan