Atac d’os apròp dera poblacion de Betlan

Es agents de Miei Ambient deth Conselh Generau d’Aran an constatat dus atacs d’os a oelhes qu’èren pasturant en ua finca protegida damb pastor electric en pòble de Betlan.

Eth prumèr des atacs se produsic era net de dimèrcles a dijaus, e eth dusau era net de dijaus a diuendres. Er os a mòrt ua oelha en prumèr atac, e un mardan en dusau.

Cride era atencion qu’aguesti atacs agen estat tant pròplèus ara poblacion. Era finca a on s’an produsit, mèrque eth limit deth pòble damb era rèsta de prats.

Cau arrebrembar que er an passat se visualizèc un exemplar d’os en ua finca a tocar damb eth nuclèu urban de Les.

Aguesti atacs pròplèus ath pòble de Betlan prenen ua especiau importància, donques demòstren qu’era proximitat a nuclèus damb persones non representen cap inconvenient de persuasion ara ora de produsir-se un atac.

Es agents de Miei Ambient deth Conselh Generau d’Aran an documentat era existéncia de peades e an arrecuelhut excrements ath torn des oelhes mòrtes. Es agents an installat camèras entà poder fotografiar er os en cas que torne en aguest madeish cornèr.

En aguesti darrèri ans es atacs ath bestial ovin mès pròplèus as poblacions d’Aran, s’an produsit ena primauera e an amendrit quan arribe er ostiu, quan era tipologia des madeishi derive entara nauta montanha.

Comments are closed.