Collaboracion entre eth Conselh Generau d’Aran e PIMEC Lleida entà impulsar eth comèrç d’Aran

PIMEC_CGA

Eth vicesindic d’Aran, Luís Carlos Medina, e eth president de PIMEC Comerç Lleida, Manel Llaràs, s’amassèren entà estudiar e avalorar er inici d’accions conjuntes entà dar supòrt e potenciar e promocionar ath comèrç de proximitat e es activitats economiques dera Val d’Aran.

Era amassada tamben compdèc damb era preséncia deth president dera Associacion de Comerciants e Empresaris de Bossòst, Javier Safont, e eth President dera Associacion deth Comèrç, Empreses e Servicis de Vielha e Mijaran, Antonio Beso.

Luís Carlos Medina, soslinhèc qu’ “entara administracion aranesa ei absolutament prioritari dedicar toti es esfòrci possibles tà refortilhar eth comèrç locau”.

Comments are closed.