Foto: Jan Role  

Aguest passat dissabte, 1 d’agost, auec lòc era IIIau edicion dera Night Running Series- Era Nocturna Vielha pes carrèrs de Vielha ena qu’enguan participèren mès de 500 persones.

       Foto: Jan Role

Es guanhadors dera corsa de 10 Km sigueren Mireia Sosa e Bruno Aggery, ena de 5km s’impausèren Berta Cabanas e Guillaume Dupin.

        Foto: Jan Role

Ath delà, tanben se realizèc ua corsa mini tàs mainatges menors de 12 ans e ua caminada populara de 5km, d’aguesta manèra, toti podien participar, en tot caminar o corrent.

Luís Carlos Medina, vicesindic d’Aran e conselhèr d’Espòrts, soslinhèc “era corsa Night Running Series- Era Nocturna Vielha dejà s’a assolidat coma un eveniment popular e esportiu de referéncia entàs residents d’Aran e entàs persones que mos visiten”.

Night Running Series- Era Nocturna Vielha ei ua activitat organizada peth Club Atletic Val d’Aran (CAVA) que compde damb era collaboracion entre d’auti, deth Conselh Generau d’Aran.

Mès informacion: www.nightrunningseries.com