Proteccion Civiu dera Generalitat da per finalizada era Alèrta per fòrt vent en Pirenèu

  • Es fòrtes raches s’an hèt a notar sustot en extrèm nòrd-oèst deth país mès non an provocat incidéncies significatives

ventades

Proteccion Civiu dera Generalitat a desactivat era Alèrta deth Plan de Proteccion Civiu de Catalonha PROCICAT un còp eth Servici Meteorologic de Catalonha SMC a dat per finalizat er avís per fòrt vent qu’afectaue des d’ager eth quadrant nòrd-oèst de Catalonha.

Eth vent a estat fòrt des d’ager ath meddia en Pirenèu e Prepirenèu, non s’an enregistrat telefonades per emergéncies significatives en 112.

Bères ues des raches de vent mès fòrt sigueren ager e aguesta maitiada en: Lac Redon (2247m) 108 km/h; Certascan (2400m) 104; Sasseuva (2228m) 97, e Ulldeter (2410m) 93.

Ua des incidéncies peth vent a estat, segons eth Servici Catalan de Transit, eth talh dera carretèra N-141 en Bossòst (Val d’Aran) a causa d’uns arbes queigudi ena carretèra e s’a talhat entàs 7:41 ores d’aguest maitin, e a compdar des 9:30 ores e enquiàs 13:30 ores s’i a estat dant pas alternatiu.

 

Comments are closed.