Era entitat a dessenhat ua targeta damb ua imatge cedida peth Conselh Generau d’Aran d’un des principaus atractius dera Val d’Aran.

Era Forcanada, o Malh des Pois, ei un des tucs mès famosi deth territòri.

Era targeta se pòt demanar en quinsevolh des 5.600 burèus qu’intègren eth hilat de CaixaBank en Espanha.

CaixaBank a lançat en collaboracion damb eth Conselh Generau d’Aran ua targeta damb era imatge dera Forcanada. Era imatge a estat cedida peth Conselh Generau d’Aran damb er objectiu doble d’arribar a toti es ciutadans e visitants dera Val d’Aran e de contribuïr ara promocion dera val, dat qu’es targetes se poderàn demanar eth quinsevolh des 5.600 burèus qu’intègren eth hilat de CaixaBank en Espanha.

Era targeta “Era Forcanada” s’a presentat en Conselh Generau d’Aran peth sindic d’Aran, Carlos Barrera, pera conselhèra de Torisme, Comèrç e Consum, Anna Díaz, e peth director d’Airau de negòci de CaixaBank enes Pirenèus, Jordi Nisarre. Aguest darrèr a remercat era satisfaccion que supause entà CaixaBank collaborar ena difusion d’un des trèts d’identitat dera Val d’Aran. Nisarre a hijut qu’“aguesta targeta contribuirà a divulgar un des grani referents toristics deth Pirenèu damb ua personalitat unica e singulara”.

Era targeta “Era Forcanada” aufrís ua vision deth pic Malh des Pois, en paraules dera conselhèra Anna Díaz, “aguesta mesura servís entà promòir era Val d’Aran qu’ei un territòri de nauta montanha que destaque pera sua beresa païsatgistica. Damb eth certificat Biosphere e era participacion as prèmis National Geographic World Legacy Awards se mos arreconeish eth trabalh realizat ena sostenibilitat dera activitat toristica”. Ath marge d’aguesta imatge, era colleccion apoiridie incrementar-se damb era incorporacion de naui modèls.

CaixaBank ei era entitat cap en sector bancari espanhòu, damb 13,5 milions de clients, ua quòta de penetracion de 27,6%, un hilat de 5.600 burèus e apròp de 10.000 caishèrs. Ei un banc cotizat qu’intègre, ath delà, es participacions en bancs internacionaus, eth negòci assegurador e es participacions en Telefonica e Repsol.