• Eth Vicesindic 3au. e Conselhèr d’Espòrts, Javier Cavero, recebec ager ena Sedença deth Conselh Generau a Jesús Prujà, cap dera Oficina d’Accés ara Universitat

• Ena sua visita entara Val d’Aran, Prujà, daue peth maitin ua charrada informativa, en IES d’Aran tàs pairs e mairs des escolans sus es pròves PAU d’accès ara universitat

Eth Vicesindic 3au. e Conselhèr d’Espòrts Javier Cavero, recebie ena Sedença deth Conselh Generau a Jesús Prujà, Doctor en Publicitat e Relacions Publiques pera Universitat Autònoma de Barcelona, cap dera Oficina d’Accès ara Universitat, qu’a era foncion de coordinar e organizar es pròves d’accès ara Universitat entàs estudiants de bachelierat, des cicles formatius de grad superior, e des mès grani de 25 e 45 ans.

Er acte siguèc precedit per ua charrada formativa, ena què, Prujà, informèc as pairs e mairs des alumnes der Institut IES d’Aran sus eth procès dera PAU. Cau remercar qu’era Val d’Aran ei, des deth 2020, e gràcies ath trabalh amiat a tèrme peth Govèrn d’Aran, ua des sedences d’aguestes pròves d’accès.

Era Conselhèra de Coneishement, Angelina Cases, soslinhaue ath respècte: ” era realizacion des PAU ena Val d’Aran ei un auanç de besonh que favorís qu’es estudiants non s’agen de desplaçar lèu 200 quilomètres tà examinar-se e demorar lotjats en otèls o residéncies pendent eth procès ».

Angelina Cases ahigie : « Entàs familhes supause tanben un estauvi important en non auer de hèr front as despenes generades pes desplaçaments ».

Vielha, 17 d’abriu de 2024