Es inscripcions se pòden hèr ena web: www.corsa15pobles.org.
Era pròva aufrís era possibilitat de caminar o córrer en circuits de quate distàncies: 21 Km, 11 Km, 15 Km e 5 Km e era corsa juvenila.
Eth sindic d’Aran, Carlos Barrera e eth president dera Associacion Volentaris d’Aran, Roberto Boya, an signat un convèni tara organizacion dera “Corsa des 15 pòbles” qu’enguan arribe ara XXIIau edicion.
Era Val d’Aran acuelherà eth 26 d’agost ua naua edicion dera Corsa des 15 pòbles, organizada pera Associacion de Volentaris Val d’Aran.
Era pròva aufrís era possibilitat de caminar o córrer en circuits de quate distàncies: 21 Km, 15 Km 11Km e 5 Km, e era corsa juvenila.
Es recorreguts se desvolopen pes desparièrs pòbles dera zòna deth Baish e Miei Aran, damb inici en Es Bòrdes e fin en Vielha, a excepcion d’era de 5 Km qu’ei era carrèra juvenila e ges des de Montcorbau, maugrat que tanben ei daurida a toti es publics que volguen hèr-la en tot caminar.
Es inscripcions se pòden hèr per internet ena web: www.corsa15pobles.org.
En paraules deth president des Volentaris d’Aran, Roberto Boya:“Es Volentaris d’Aran consideram qu’aguesta corsa ei fòrça importanta entara Val d’Aran tant a nivèu esportiu coma toristic e patrimoniau”.
PROGRAMA
- Dissabte dia 25 d’agost
– De 10:00 a 13:00 ores e de 18:00 a 20:00 ores: Inscripcions presenciaus e recuelhuda de dorsaus en Conselh Generau d’Aran (Passèg dera Libertat 16. Vielha).
- Dimenge 26 d’agost
– De 07:30 a 08.15 ores. Gessuda deth transpòrt cap ara poblacion d’Es Bòrdes des dera parada der autobús de Vielha (Av. Alcalde Calbetó Barra- Deuant d’Era Audiovisuau).
– Tàs 09:00 a 10:00 ores. Gessuda d’Es Bòrdes des desparières pròves (21Km, 15 Km e 11 Km).
– De 09:30 a 10:15 ores. Gessuda deth transpòrt cap a Montcorbau, des dera parada der autobús de Vielha (Av. Alcalde Calbetó Barra- Deuant d’Era Audiovisuau).
– Tàs 11:00 ores. Gessuda de Montcorbau dera Corsa Trofèu Roland Giné (Corsa Juvenila) e dera Caminata de 5Km.
– 13:00 ores. Barrament dera pròva en Betlan, a 5 km dera mèta.
– 13:00 ores. Despartiment de prèmis ena Plaça deth Conselh en Vielha e despartiment de regals dera tòia.
– 14.00 h. Barrament de Mèta en Vielha.
Vielha, 10 d’agost de 2018
Conselh Generau d’Aran: Núria Sanjuan