Comunicat deth Conselh Generau d’Aran

Aué ei un dia trist entà Aran.

Lamentam comunicar qu’aguesta tarde, era que siguec conselhèra de Cultura e de Salut e Benéster deth Conselh Generau d’Aran enes legislatures 1999-2003 e 2003-2007, Magfca. Sra. Merche Delaurens Deó, mos a deishat dempús de sofrir un infart.

Es ueit ans d’exercici des sues responsabilitats coma conselhèra generau sigueren d’ua exemplar dedicacion, tenacitat e esfòrç entà assolidar Aran coma un veritable país.

Era pèrta d’ua persona benvoluda tostemp ei dolorosa, mès encara ac ei mès quan se produsís en plenitud de vida e damb possibilitats de gaudir damb illusion dera familha e de tot un projècte vitau.

Coma sindic, e en nòm de toti es conselhèrs generaus d’Aran, lamentam prigondaments era pèrta dera nòsta companha e trasladam eth nòste mès sentit dò a tota era familha.

Aran, 16 de mai de 2019

Carlos Barrera Sánchez

Sindic d’Aran

 

Funerau e Tanatòri

Deman dissabte 18 de mai entàs 12 de meddia, ena Glèisa de Bossòst se celebrarà eth funerau dera Mgfca. Sra. Merche Delaurens.

Era familha serà en tanatòri de Vielha aué diuendres de 17 a 20 ores.

 

Comments are closed.