Vielha, 16 d’agost de 2018.- Emocionant ambient damb era actuacion, ena Residència Sant Antòni de Vielha, dera Corau dera Associacion Es Paums, ua activitat entara gent grana organizada des deth Conselh Generau d’Aran.

Eth dimars peth maitin debanèc eth prumèr des concèrts dera formacion corau Es Paoesses qu’ei era seccion de veus dera Associacion Es Paums.

Aguesta actuacion forme part deth cicle Maitins musicaus ena residència.

Ena actuacion era corau a estat acompanhada pera istorica banda Es Paums.

Era proplèu intervencion musicau de Es Paoesses que serà eth diuendres que ven dia 17 entàs 22:30h en Museu Joanchiquet de Vilamòs. Ena aguesta escadença Es Paoesses compdaran damb era collaboracion dera Corau Margalida de Bossòst e dera Cantaira aranesa Lucía Mas.