Confirmat er atac d’os a ua oelha e un anhet en Vilamòs

uishera

 

Agents deth Departament d’Agricultura, Ramaderia e Medi Naturau deth Conselh Generau d’Aran an confirmat er atac d’os a un ramat de oelhes ena zòna d’Uishera (Vilamòs). Coma resultat d’aguest atac an trapat mòrti ua oelha e un anhet.

Es agents deth Conselh Generau se tròben ena zòna damb cans entà localizar excrements d’os ara fin d’enviar-les tà analisar e saber de quin exemplar d’os se tracte.

Eth conselhèr d’Agricultura, Ramaderia e Medi Naturau d’Aran, Jose Enrique Arró, a manifestat “es agents deth Conselh tanben collaboren damb eth proprietari deth ramat entà constatar que non i agen mès maus e entara reagrupacion deth ramat atacat”.

 

 

Vielha, 9 d’agost de 2016

 

Conselh Generau d’Aran: Núria Sanjuan

Comments are closed.