Eth sindic d’Aran, Carlos Barrera, e eth director d’Institucions de CaixaBank en Catalonha, Joaquim Macià, an signat en Conselh Generau d’Aran un convèni de collaboracion a on se promò era realizacion deth projècte d’aqueriment de diuèrs materiau entara residéncia geriatrica dera Val d’Aran.

Era Fondacion Bancaria “la Caixa” hè ua aportacion a favor deth Conselh Generau d’Aran, dera quantitat de 20.000 èuros tar aqueriment de materiau tara residéncia geriatrica (cagira de banh electrica reclinable, transfer viratòri de lhet a cagira (plataforma viratòria), reposapès basculants, …).

Òbra Sociau ”la Caixa”: Mès comprometudi que jamés

Era Òbra  Sociau ”la Caixa” a consolidat era sua activitat pendent eth 2015 damb er objectiu de bastir ua societat mielhora e mès justa, en tot dar oportunitats as persones que mès ac an de besonh. En 2015, e a trauèrs dera Òbra Sociau, a atengut a 9,9 milions de beneficiaris qu’an participat en 46.209 iniciatiues. De cara ath 2016, era entitat dispause d’un pressupòst de 500 milions d’èuros, era madeisha partida qu’es ueit ans anteriors e que la consolide coma era fondacion mès importanta de tot er Estat espanhòu per recursi invertidi en accion sociau e en ua des mès importantes d’Euròpa e deth mon. Es programes sociaus contunharàn coma prioritaris aguest an, damb era luta contra era praubesa infantil e eth foment dera aucupacion coma objectius principaus.

Vielha, 4 d’octubre de 2016

Conselh Generau d’Aran: Núria Sanjuan