Vielha, 10 de juriòl de 2017.- Eth Conselh Generau d’Aran a trauès deth departament de Miei Naturau organize un cors sus es aplicacions e proprietats medicinaus dera flòra de montanha dera Val d’Aran.

Eth cors que s’amiarà a tèrme es dies 15 e 16 de juriòl consistís en dues jornades de gessuda ath camp a cargue deth professor dera UB Antoni Argelet.

Eth dissabte 15 de juriòl era gessuda serà pera val de Molières e eth dimenge dia 16 pera val de Ruda, er orari des gessudes ei de 8:30 a 13:30 deth maitin.

Eth cors ei gratuït, encara qu’es inscripcions cau hèr-les per auançat pr’amor qu’es places son limitades. Es inscripcions se pòden formalizar en tot telefonar ath 973 64 18 01 o per mail a g.vilo@aran.org